وزیراعظم عمران خان کا کراچی کیلئے تاریخی پیکج کا اعلان

0
43
PM Imran Khan announces historic package for Karachi

کراچی (کے این این) وزیراعظم پاکستان عمران خان نے کراچی کیلئے تاریخی 1100ارب روپے کے بحالی پیکج کا اعلان کردیا ہے۔ یہ اعلان وزیراعظم نے آج دورہ کراچی کے موقع پر کیا ہے۔

تفصیلات کے مطابق، وزیراعظم نے کہا کہ کراچی کے مسائل حل کرنے کیلئے اسٹیک ہولڈرز پر مشتمل کمیٹی قائم کردی ہے، کمیٹی تین سالوں میں نالوں کی صفائی،صاف پانی، سیوریج سسٹم ،سالڈ ویسٹ، ٹرانسپورٹ، سڑکوں اور بی آرٹی کی لائنز کے مسائل کو حل کرے گی،یہ تمام کام اسی پیکج میں کیے جائیں گے، پیکج وفاق اور سندھ نے ملکر دیا ہے۔
انہو ں نے وزیراعلیٰ سندھ اورگورنر سندھ کے ہمراہ پریس کانفرنس کرتے ہوئے کہا کہ کراچی کے تمام مسائل کے حل کیلئے پی سی آئی سی کمیٹی قائم کی ہے۔اس میں سب اسٹیک ہولڈرزشامل ہوں گے،فوج کا بڑا کردار ہے،دنیا میں جتنے بھی سیلاب آتے ہیں، اس میں فوج بڑھ چڑھ کر کامکرتی ہے، کیونکہ فوج منظم ادارہ ہے۔

انہوں نے کہا کہ کراچی کیلئے تاریخی پیکج 1100ارب کا لے کر آئے ہیں، اس میں وفاق اور صوبہ ملکر فنڈ دے رہا ہے۔

کراچی میں پانی کا مسئلہ حل کریں گے۔ ہماری کوشش ہے کہ کراچی میں اگلے تین سالوں میں پانی کا مسئلہ حل ہوجائے، نالوں کا مسئلہ ہے، این ڈی ایم اے نالے صاف کرے گی۔ سیوریج سسٹم کراچی کا بڑا مسئلہ ہے، اسی طرح سالڈ ویسٹ بھی بڑا ایشو ہے، گیارہ سو ارب کے پیکج سے اس کو بھی ٹھیک کریں گے، کراچی کے ٹرانسپورٹ، سڑکوں اور بی آرٹی کی لائنز کو بھی اسی پیکج سے ٹھیک کریں گے۔

مزید پڑھیں: تحریک انصاف کا باغ میں بڑا پاورشو، راجہ عبدالقدیرکی وطن واپسی نے مخالفین کی نیندیں اڑی لیں

کراچی کے لوگوں کو بڑے مشکل حالات سے گزرنا پڑا ہے،ہم نے فیصلہ کیا ہے کہ کراچی کے تمام مسائل کا حل اس کمیٹی کے ذریعے کریں گے۔ کراچی میں وفاق اور صوبائی حکومت کے ادارے تھے، یہ رکاوٹیں تھیں،لیکن اب وفاق، صوبہ اور ملٹری سب ملکر کراچی کیلئے کام کریں گے۔ اب کراچی کے تمام زیرالتواء مسئلے بھی حل ہوجائیں گے۔ اسی طرح کراچی میں سیلاب سے لوگ بڑے متاثر ہوئے ہیں، ہم بیٹھ کر تیاری کررہے ہیں کہ کس طرح سندھ، بلوچستان، گلگت، چترال اور کے پی میں بارشوں اور سیلاب سے متاثرہ لوگوں کو ریلیف دیں ۔ انہوں نے کہا کہ کورونا کیخلاف سب نے ملکر کام کیا، اسی طرح کراچی کیلئے بھی شارٹ ، لانگ اور مڈٹرم پلان ہے۔ ایک سال میں پہلا فیز اور تین سالوں میں سارے فیز میں کام مکمل ہوجائے گا۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.