نوشہرہ پولیس کی بڑی کاروائی، کار لفٹر گروہ کے کارندے گرفتار

0
24
Nowshera police arrest 2 car thieves

نوشہرہ (کے این این) تھانہ نوشہرہ کینٹ پولیس کی کامیاب کاروائی۔ 02 رُکنی کار لفٹرگروہ گرفتار۔نوشہرہ کے مختلف مقامات سے چوری شدہ 05 گاڑیاں برآمد۔ملزمان خیبر پختونخواہ کے علاوہ پنجاب کے وارداوتوں میں ملوث ہیں۔

تفصیلات کے مطابق، بلال احمد ASP کینٹ نے پریس کانفرنس کرتے ہوئے کہا کہ سردار ولی ساکن روالپنڈی حال حکیم آبادنے پولیس کو رپورٹ درج کی۔ اُس نے حکیم آبادمیں اپنے گھر کے سامنے موٹر کار نمبری 8348/LOU کھڑی کی۔جب واپس آکر دیکھا تو نامعلوم چور موٹر کار کو چوری کرکے لے گئے تھے۔ جس پر فوری طور پر مقدمہ نمبر 644 مورخہ 30-08-2020 جرم 381A/34 تھانہ نوشہرہ کینٹ درج کرکے تفتیش اور موٹر کار کی تلاش شروع کر دی گئی۔

واقعے کا سختی سے نوٹس لیتے ہوئے ڈسٹرکٹ پولیس آفیسر نجم الحسنین نے ASPکینٹ بلال احمد کی سربراہی میں انسپکٹرشفیع اللہ اور سیف اللہ SI پرمشتمل تفتیشی ٹیم تشکیل دے کر جلد از جلد ملزمان کی گرفتاری اورمال مسروقہ کی برآمدگی کا ٹاسک حوالہ کیا۔

تفتیشی ٹیم نے مختلف جگہوں سے CCTVفوٹیج حاصل کی۔جس سے پتہ چلا کہ موٹر کار کو نوشہرہ سے باہر جاتے ہوئے نہیں دیکھا گیا ہے۔جس کا مطلب یہی تھا کہ موٹر کا ر اسی ضلع میں موجود ہے جس پر تفتیشی ٹیم مزید متحرک ہوئی۔

انتھک محنت اور کوشش کی بدولت ملزمان تک رسائی حاصل کرلی گئی۔ملزمان احمد یار ولد خیوہ خان اور میر زمان عرف پیر ولد بدیغ الزمان ساکنا ن خویشگی بالا کو گرفتار کر لیا گیا۔

ابتدائی تفتیش کے دوران ملزمان نے اعتراف جرم کرتے ہوئے سب اُگل دیا۔نوشہرہ کے علاوہ خیبر پختونخواہ کے دیگر اضلاع اور پنجاب کو بھی متعدد وارداتوں میں مطلوب ہیں۔

ملزمان کی نشان دہی پر نوشہرہ کے مختلف علاقوں سے چوری شدہ 03موٹر کاریں اور 02کیری ڈبے برآمد کرلئے گئے۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.