تحریک انصاف کا باغ میں بڑا پاورشو، راجہ عبدالقدیرکی وطن واپسی نے مخالفین کی نیندیں اڑی لیں

0
34
Raja Qadeer khan rally

باغ: تحریک انصاف کے بانی رہنما راجہ عبدالقدیر کے اعزاز میں تاریخی استقبالی ریلی کے بعد تحریک انصاف باغ میں مقابلے کی پوزیشن میں آگئی ہے۔

تفصیلات کے مطابق راجہ عبدالقدیر کی کینیڈا سے وطن واپسی پراستقبالی ریلی نے باغ کی سیاست کا رخ موڑ دیا ہے،تیرہ گھنٹے جاری رہنے والی اس ریلی میں سیکڑوں گاڑیوں نے شرکت کی۔ ارجہ سے بیس بگلہ تک جگہ جگہ والہانہ استقبال نے باغ کا سیاسی منظر نامہ تبدیل کردیا ہے، ریلی کے بعد باغ میں چہ میگوئیاں شروع ہوگئی ہیں۔

باغ کے سیاست پر نظر رکھنے والوں کا کہنا ہے کہ ریلی ایک بڑا پاور شو ہے جس نے باغ کی سیاست میں ہلچل مچا دی ہے۔ راجہ محمد سبیل خان مرحوم کے شو کے بعد راجہ عبدالقدیر خان باغ میں سب سے بڑی سیاسی سرگرمی دیکھانے میں کامیاب ہوگئے ہیں۔

باغ کے عوام نے بہت عرصے کے بعد کسی سیاسی رہنما کا اس طرح والہانہ استقبال کیا ہے، بارش کے باوجود کارکنوں کا جوش و جذبہ دیدنی تھا، سیاسی تحزیہ کاروں کا کہنا ہے کہ ریلی کے بعد تحریک انصاف باغ میں مقابلے کی پوزیشن میں آگئی ہے۔ وسطی باغ میں تحریک انصاف کی پوزیشن پہلے ہی مظبوط ہےجبکہ اب شرقی اور غربی باغ میں بھی تحریک انصاف کی پوزیشن مستحکم ہونے لگی۔

اس موقع پر جلسے سے خطاب میں تحریک انصاف کے رہنماوں نے اس بات کا اعادہ کیا کہ پارٹی جس کو ٹکٹ دے گی وہ اس کی بھرپور حمایت کریں گے۔ باغ میں بہت سی اہم شخصیات دوسری سیاسی پارٹیوں کو خیرباد کہہ کرتحریک انصاف کا رخ کررہی ہیں جس کے بعد تحریک انصاف کی پوزیشن مزید مظبوط ہوگی۔ وسطی کیساتھ ساتھ اب شرقی اورغربی باغ میں بھی تحریک انصاف کی پوزیشن مستحکم ہوئی ہے۔

مبصرین کا کہنا ہے الیکشن سے ایک سال قبل راجہ عبدالقدیر کی کامیاب ریلی نے باغ میں تحریک انصاف میں نئی روح پھونک دی ہے، دوسری جماعتیں اور بڑے امیدوار بھی تسلیم کررہے ہیں کہ راجہ عبدالقدیر بڑا پاور شو کرنے میں کامیاب ہوگئے ہیں، جس کا اثراب پوری باغ کی سیاست پر ہوگا۔ تحریک انصاف نے اگر اسی طرح سرگرمیاں جاری رکھیں تو تینوں بڑے امیدواروں کی نشستیں خطرے میں پڑ سکتی ہیں

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.